تطبيق عراقي لحجوزات الأعراس

عرسك كله… من تطبيق واحد

قاعات ومزارع وكوشات ومصورين ومكسات دخوليات وسيارات زفة. تشوف السعر الحقيقي والأيام الفاضية، وتحجز بعربون مضمون بدون ما تلف على المكاتب.

قريباً علىApp Store قريباً علىGoogle Play
ليش زفها؟

كل اللي تحتاجه حتى تحجز وانت مرتاح

بدل عشرات الاتصالات والزيارات، كل شي واضح قدامك من البداية.

تقويم حقيقي

تشوف الأيام المحجوزة والفاضية لكل قاعة قبل ما تتصل، وتختار يومك مباشرة.

أسعار واضحة وعروض

السعر مكتوب لكل يوم، وأكو عروض خاصة على الأيام الفاضية توفّر عليك.

أماكن موثّقة

فريق زفها يزور المكان ويصوّره ويوثّق أسعاره، فالصور والأسعار مثل ما تشوفها.

عربون مضمون

تثبّت يومك بعربون بزين كاش أو كي كارد أو نقداً، ويوصلك تأكيد الحجز وفاتورته.

محادثة ويا المكان

اسأل عن التفاصيل والطلبات الخاصة من داخل الحجز، وكل شي يبقى مكتوب.

مخطط العرس

قائمة بكل خدمات المناسبة (عرس، خطوبة، حنة)، وتعرف شنو حجزت وشنو بقى.

الخدمات

من القاعة لسيارة الزفة

القاعات
المزارع
الكوشات
المصورين
مكس دخوليات
الوجبات
التوزيعات
باقات الورد
صالونات وعناية
بدلات وفساتين
سيارات الزفة
الفنادق
شلون تحجز

ثلاث خطوات وتثبّت يومك

اختار المكان

دوّر حسب المنطقة والسعر وعدد الضيوف، وشوف الصور والخدمات المشمولة.

اختار اليوم

من التقويم تشوف الأيام الفاضية وسعر كل يوم، والعروض إذا موجودة.

ثبّت بالعربون

ادفع العربون وينقفل اليوم باسمك، ويوصلك تأكيد الحجز والفاتورة.

لأصحاب القاعات والخدمات

قاعتك تنحجز… حتى بالأيام الفاضية

اعرض مكانك على زفها مجاناً، ونظّم حجوزاتك من لوحة خاصة بيك، وما تدفع شي إلا على الحجز اللي يجيك عن طريقنا.

نسدّلك أيام الفراغ

أسعار حسب يوم الأسبوع وعروض على الأيام الفاضية، وقاعتك تطلع للي يدوّر على نفس اليوم.

لوحة حجوزات مجانية

تقويم يمنع الحجز المكرر، حجز يدوي لزبائنك، فواتير PDF وتصدير Excel، بباسورد خاص بيك.

تنبيه فوري

الحجز الجديد يوصلك لحظياً باللوحة وعلى الواتساب، ويا اسم الزبون والتاريخ والمبلغ.

5أول 5 حجوزات
بدون عمولة

تدفع بس من تربح

  • بعدها 10% من قيمة الحجز اللي يجيك عن طريق تطبيق زفها.
  • الحجوزات اللي تسجّلها انت بنفسك باللوحة مجانية بالكامل.
  • بدون رسوم تسجيل وبدون اشتراك شهري.
سجّل قاعتك
الأسئلة الشائعة

عندك سؤال؟

شلون ينقفل التاريخ باسمي؟

القاعات والمزارع والفنادق تنحجز من التقويم. من تدفع العربون ينقفل اليوم باسمك وما يظهر متاح لغيرك.

شنو يعني المكان موثّق؟

فريق زفها زار المكان ميدانياً وصوّره بنفسه ووثّق أسعاره وخدماته.

أكدر ألغي الحجز؟

إي، من صفحة حجوزاتي بالتطبيق. سياسة استرداد العربون تختلف حسب المكان، وتكون مكتوبة قبل ما تحجز.

شلون أسجّل قاعتي أو خدمتي؟

تواصل ويانا على الواتساب، ونحدد موعد لزيارة المكان وتوثيقه، وبعدها نسويلك حساب بلوحة الإدارة.

وين أحمّل التطبيق؟

التطبيق قريباً على App Store وGoogle Play. تابعنا أو تواصل ويانا حتى نبلغك أول ما ينزل.

نحجي؟

للأسئلة والدعم وتسجيل الأماكن: واتساب أو اتصال على 0770 450 5548